Dingdi News Service, August 21, 2010: Mizoram Baptists Church (BCM) in Nov.6,2007 a an din Bru Baptists Church chu a hangduang chak hle a, kum 4 chhungin Kohhran 74, member 13459 an tling hman a ni.
Tun hnaia BCM Assembly hnuaia Mission & Evangilism Comtt. report a alan danin, Bru Baptists Church chuan Pastor bial 9 a nei tawhin pastor 12, BBC workers 30, Evan Teachers 12, Evan 5, Bru zinga thawk BCM workers 56, School a thawk 40, Native Workers 17, Damdawi lama thawk (Nurse) 3 an awm tawha, BCM chuan school 9 neiin, an zinga 3 chu High School nena awm kawp an ni a, a bak chu Primary school a ni.
Hetihlai hian August 17, 2010 Thawhleh zan khan Ngiautlang, Chawngte chhak tlang km. 3 ami, Chakma khuaah kohhran member 80 chuang awmna a ding thar. Chakma Mission thang mek mamawhna avangin Chakma Thuthlung Thar chhut peih hmaa hman tur Chakma Bible- Chanchin Tha bu 4, Tirhkohte leh Rom chu Trial Edition anga chhut thuai an tum. Hemi buatsaih tur hian Pu Sandok-a, Upa A. Rimawia leh Tv. Eleazara s/o Pastor Docson Tong te ruat an ni. Thla hnih chhunga peiha 2010 chhunga chhut hman an tum a ni.
Mission & Evangilism Comtt. report-ah chuan Chakma chhiarpui BCM in neihah In 18322 a awma, Mihring 93354 an ni a, Buddhist 87635 an nih laiin, Kristian chu mi 4725 an ni a, Kristian awm zat zaah 5.06 anga tarlan a ni bawk.
SMB In Tawngtaipui Tura Ngenna Siam
Aizawl, August 19, 2010: Assam Mission Field chhunga Bhuya baripam khua a ringtu Baptisma changtharte an khawmi ten an tih duhdah mek zel avangin Synod Mission Board chuan awngaipui tura ngenna an tichhuak. Tun thla ni 16 khan ringthar dam lo phurhna tur ambulance kaltir phallovin an buai a, Ek-in an In leh Bang te an vawma, duh angin pawn chhuah pawh a theihloh avangin tunah hian chaw eitur an nei ta lo SMB chuan a ti. A tiduhdahtute hian ‘Kristiante thi vek rawh se’ tiin an auruala, Police leh magistrate te inrawlhna pawhin awm zia a nei thei tak tak lo tiin Synod Ramthar News chuan ‘|awngaipui’ an ngai hle a ti a. A lehlamah chuan Police OC leh Constable henkhat chuan engtinnge Kristian kan nihve theih ang tiin ringtharte an zawt a, an nin Pathianthu chhiar turte an pe bawk tiin SMB chuan an sawi.
Tunlai hian Biate khaw chhuak Mizo pa lar Thangkura Pu tia hriat lar thin R. Vanlalzauva leh a nupui B. Lalremtluangi te chuan Myanmar khawpui Yangoon lamah rawngbawlna an nei mek tih kan member duhawm tak Major Samuela chuan email hmangin web master a hrilh.
MMEM AHAL executive member R. Vanlalzauva hi thu leh hla lama miril niin tunhma atanga Pathian rawngbawltu rinawm leh thawhhlawk tak a ni thin a. Synod Revival Speaker pawh lo ni fo tawh a ni a, a hla phuahte chuan Zofate hriat a hlawh hlawm hle bawk.
A nupui B. Lalremtluangi hian tunlai hian Pathian tihdam rawngbawlna a la chhawm nung reng a. Pathianin tihdam rawngbawlna nen Zoram dung leh vang mai piah lam thlengin a lo hmang fo tawh thin a. India ram a Kristiante tihduhdahna hluarna ber tia chhal fo thin Kandhamal District-ahte rawngbawlna hlawhtling taka a neih hnuin tunah hian sipai rorelna Myanmar khawpui Yangoon lamah Pathian rawngbawlin an nupa hian an cham mek.
Thlarau leh taksa damna famkim neia anmahni tlantu Isua Krista chu Lal leh Chhamdamtu a pawmin Kristian duhawm tak an lo pun zel theih nan R. Vanlalzauva te nupa rawngbawlna hi Pathian tan rimtui a lo chan zel theih nan ringtuten i tawngtaipui thin ang u.
Special thanks to our source Major Samuela, Yangoon, Myanmar.